Share this
Twitter
Facebook
Myspace
Digg
Del.icio.us
StumbleUpon
Yahoo
Googlize this
काठमाडौ - गायक अम्बर गुरुङले आफ्ना कालजयी गीत चीनको राजधानीका नेपाली-चिनियाँ श्रोतासामु प्रस्तुत गर्ने भएका छन् । बेइजिङस्थित नेपाली दूतावासले नेपालयको यो अम्बर पलेंटी-यात्रालाई लैजाने भएको हो । बेइजिङतर्फ लाग्ने सांगीतिक टोलीले जेठ २८ र असार १ गते दुई कन्सर्ट गर्नेछ ।
'मलाई विश्वास छ, सिर्जनात्मक संगीतको उन्नतिका लागि चिनियाँ र नेपाली संगीतज्ञहरूले मिलेर काम गर्न सकिन्छ', चीन-यात्राबारे संगीतज्ञ गुरुङले भने । नेपाली आधुनिक संगीतका प्रणेतामध्ये मानिने गुरुङ वर्तमान नेपालको राष्ट्रगानको संगीतकारका रूपमा पनि सुपरिचित छन् । हाल उनी नवगठित संगीत तथा नाट्य प्रज्ञाप्रतिष्ठानका कुलपति हुन् ।
कार्यक्रम बेइजिङको चाइना नेसनल अर्केस्ट्रा कन्सर्ट हल र किङ्स गार्डन भिल्लामा हुने भएको छ । टोलीमा नेपालयका प्रबन्धक किरणकृष्ण श्रेष्ठ, पलेंटीका संयोजक आभाससहित १३ सदस्य रहनेछन् ।
