Share this
Twitter
Facebook
Myspace
Digg
Del.icio.us
StumbleUpon
Yahoo
Googlize thisकाठमाडौं । तीन पटकको विश्वकप विजेता जर्मनीलाई हराउदै स्पेन पहिलोपल्ट विश्वकपको फाइलनमा प्रवेश गरेको छ । बिहीबार बिहान भएको अन्तिम सेमीफाइनल खेलमा जर्मनीलाई १-० गोलले हराउँदै स्पेन फाइनल प्रवेश गरेको हो ।
खेलअवधिभर जर्मनीलाई दबाबमा राखे पनि स्पेनले पहिलो हाफसम्म गोल गर्न सकेको थिएन । दोश्रो हाफको २७ औं मिनेटमा स्पेनका कार्लेस पुयोलले गरेको गोल नै निर्णायक बन्यो । स्पेनले फाइनलमा बुधबार बिहानको विजेता नेदरल्याण्ड्ससँग आइतबार प्रतिष्पर्धा गर्नेछ ।
विश्वकप दाबेदार अर्जेन्टिनालाई ४-० को फराकिलो अन्तरले हराएको जर्मनीले सेमीफाइलनमा भने उत्कृष्ठ प्रदर्शन गर्न सकेन ।
जर्मनी र स्पेनबीच यसअघि युरोकपको फाइनलमा भेट भएको थियो । युरोकपमा स्पेनले १-० को कठीन जीत हात पारेको थियो ।
विश्वकपको पहिलो सेमीफाइनलमा बुधबार बिहान उरुग्वेलाई २-३ ले हराउँदै नेदरल्याण्ड फाइनल प्रवेश गरेको छ ।
