Aug 30 2025 | २०८२, भदौ १४ गते
Aug 30 2025 | २०८२, भदौ १४ गते
काठमाडौँ । पश्चिम नवलपरासीको सुनवल नगरपालिका–१ सोमनाथस्थित व्यावसायिक सटरमा आगलागी भएको छ । इलाका प्रहरी कार्यालय सुनवलका प्रमुख प्रहरी निरीक्षक विष्णुप्रसाद पौडेलका अनुसार लज्जावती कन्ट्रक्सनले सञ्चालन गरेको सात वटा सटरमा बिहीबार बिहान आगलागी भएको हो ।
मोटर ग्यारेज, टायल पसल, ब्याट्री पसल र एउटा होटलसहित ७ वटा पसलका सामान आगलागीबाट जलेर पूर्णरुपमा नष्ट भएका छन् । रामग्राम र बर्दघाट नगरपालिकाको बारुणयन्त्र, सुरक्षाकर्मी र स्थानीयलाई आगलागी नियन्त्रणमा लिनका लागि करिब तीन घण्टा लागेको थियो ।
 (1).gif)
आगलागीबाट डेढ करोडभन्दा बढीको सामान नष्ट भएको अनुमान गरिएको छ । आगलागीको कारण एकिन नभएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
