Jun 18 2026 | २०८३, असार ४ गते
Jun 18 2026 | २०८३, असार ४ गते
काठमाडौँ । वीरगञ्जबाट अवैध भारतीय नोटसहित एक भारतीय नागरिक पक्राउ परेका छन् । भारत विहार जिल्ला पश्चिम चम्पारण पोष्ट भंगाहा जसौली बस्ने वर्ष ३५ को लालु मियाँलाई प्रहरीले पक्राउ गरेको छ ।
पर्साको पर्सागढी नगरपालिका- १ मनवा बजारस्थित प्रहरी चौकी मनवाबाट खटिएको प्रहरी टोलीले चेकजाँच गर्ने क्रममा उनको साथबाट प्रतिवन्धित भारु पाँच सयको नोट बरामद गरेको थियो।
पर्साका प्रहरी प्रवक्ता डिएसपी दिपक गिरिका अनुसार बिआर २२ ए जे ३१९९ नम्बरको मोटरसाइकलमा आएका मियाँको साथबाट भारतीय प्रतिवन्धित रू.५०० दरका नोट २४९ थान, भारतीय रू.१०० दरका नोट थान- २ र रू.२० दरका नोट-३ गरी भारू एक लाख २४ हजार ७६० बरामद गरिएको हो ।
आवश्यक कारवाहीको लागि उनलाई राजश्व अनुसन्धान कार्यालय पथलैया, बारामा बुझाइएको जनाइएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
