May 22 2025 | २०८२, जेठ ८ गते
May 22 2025 | २०८२, जेठ ८ गते
राजनीतिक रूपमा भागबन्डा नमिलेपछि
काठमाडौं । राजनीतिक रूपमा भागबन्डा नमिलेपछि पोखरा विश्वविद्यालयमा भद्रगोल देखिएको छ । विगतमा विभिन्न पदहरूमा राजनीतिक भागबन्डा हुँदै आएको यहाँ यसपालि कुरा नमिल्दा समस्या उत्पन्न भएको हो ।
भागबन्डा मिलाउनका लागि मंगलबार बसेको बैठक निष्कर्षमा पुग्न सकेन । प्राध्यापक संघ, सङ्गठनहरू अडानबाट पछि नहटेपछि भागबन्डा नमिलेको बैठकका सहभागी सदस्यहरूले बताए ।
माओवादी निकट प्राध्यापक संगठनले परीक्षा नियन्त्रक र एउटा डीन माग गरेपछि कुरा नमिलेको ती सदस्यको भनाइ छ । हाल विश्वविद्यालयमा एमालेबाट उपकुलपति र कांग्रेसबाट रजिस्ट्रार नियुक्त गरिएका छन् ।
 (1).gif)
रजिस्ट्रार नै परीक्षा समितिको संयोजक हुने भएकोले परीक्षा नियन्त्रक फरक पार्टीबाट हुनुपर्ने माओवादीको माग छ ।
आफूहरूको माग जायज भएकोले अडान कायम रहने माओवादी निकट प्राध्यापक सङ्घका अध्यक्ष राजु पाण्डेले बताए ।
एमाले निकट प्राध्यापक संगठनका अध्यक्ष दीपमाला श्रेष्ठले सबै राजनीतिक भागबन्डा मिलाएर लैजाने जिम्मा उपकुलपति र रजिष्ट्रारलाई दिइएको सुनाए ।
कांग्रेसले चाहिँ दुई पटकसम्म परीक्षा नियन्त्रक माओवादीले पाएको भन्दै यसपालि आफ्नो दावी रहेको बताएको छ । कांग्रेस निकट प्राध्यापक सङ्घका अध्यक्ष घनश्याम तिवारीले यस पटक नियन्त्रक पनि कांग्रेसको हुनुपर्ने बताए ।
विभिन्न पदहरूमा भागमण्डा मिल्न नसक्दा परीक्षा नियन्त्रक काम चलाउको रूपमा नियुक्त गरिएको छ । उपकुलपति वेदराज केसीले मंगलबार नै चलाउको रूपमा बढीमा तीन महिना रहने गरी परीक्षा नियन्त्रकका रूपमा प्राध्यापक डाक्टर निर्मला जम्मकट्टेललाई जिम्मेवारी दिएका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
