Aug 21 2025 | २०८२, भदौ ५ गते
Aug 21 2025 | २०८२, भदौ ५ गते
काठमाडौं । पूर्वराष्ट्रपति विद्यादेवी भण्डारीले सम्पर्क कार्यालय खोलेर राजनीतिमा सक्रिय हुने भएकी छन् ।
काठमाडौंको थापागाउँ स्थित लाखेचौर मार्गमा भाडामा लिइएको घरमा राखिएको सम्पर्क कार्यालयको आज उदघाटन गर्न लागिएको हो ।
 (1).gif)
भण्डारी समुहले यसलाई 'मदन भण्डारी ७५औं जन्म जयन्ती मूल व्यवस्थापन समिति’ को कार्यालय भनेको छ। समितिको संयोजक बागमती प्रदेशका पूर्वमुख्यमन्त्री डोरमणि पौडेल रहेका छन् । समितिकी संरक्षक समेत रहेकी भण्डारीले आज दिउँसो २ बजे कार्यालय उदघाटन गर्ने कार्यक्रम रहेको छ ।
मदन भण्डारीको ७५औं जन्मजयन्ती मनाउन बागमती प्रदेशका पूर्वमुख्यमन्त्री पौडेलको नेतृत्वमा ७५ सदस्यीय मूल व्यवस्थापन समिति यस अघि नै बनाइएको छ । अहिले भाडामा लिइएको यसै घरबाट मदन भण्डारीले २०४८ सालको चुनावी अभियान चलाएको बताइएको छ ।
मदन भण्डारीको रहस्यमय निधनपछि भएको उपनिर्वाचनमा विद्या भण्डारीले पनि यही घरबाट चुनावी अभियान चलाएकी थिइन् भने अहिले भण्डारीले सोहि घरलाई भाडामा लिएर एमालेमा आफ्नो प्रभाव जमाउने प्रयास गर्ने भएकी छन् ।
एमालेले सदस्यता नदिने भएपछि पनि भण्डारी आफु एमालेकै सदस्य रहको दाबि गर्दै राजनीतिमा सक्रिय हुन थालेपछि एमालेमा नयाँ द्वन्द हुने निश्चित देखिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
