Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । राजधानीमा केही महिनाअघि भएको प्रदर्शनका क्रममा सरकारी संरचना र प्रहरीमाथि आक्रमण, तोडफोड तथा लुटपाटमा संलग्न एक युवकलाई प्रहरीले पक्राउ गरेको छ । जिल्ला प्रहरी परिसर, काठमाडौंका अनुसार धनुषा बटेश्वर गाउँपालिका–५ घर भई हाल ललितपुर महालक्ष्मी नगरपालिका–३ बस्ने १८ वर्षीय शिवम चौधरी यादवलाई नियन्त्रणमा लिई अनुसन्धान भइरहेको छ ।
२०८२/०५/२४ गते सिंहदरबार तथा संसद् भवन आसपास, प्रहरी वृत्त बानेश्वरको भवन र त्यहाँ रहेका सवारी साधनमा तोडफोड र आगजनी गरिएको थियो। सो क्रममा प्रहरीको युनिफर्म तथा ट्राफिक ‘ह्वील लक’ समेत लुटेर दुरुपयोग गरिएको प्रहरीले जनाएको छ ।
यादवले सुरक्षामा खटिएका प्रहरीमाथि दुर्व्यवहार गर्नुका साथै भीडलाई आक्रमणमा उक्साउने अभिव्यक्ति दिएको प्रारम्भिक अनुसन्धानबाट पुष्टि भएको जिल्ला प्रहरी परिसरले जनाएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
