Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
ललितपुर । प्रतिनिधि सभा सदस्य निर्वाचन २०८२ लाई ध्यानमा राख्दै जिल्ला प्रशासन कार्यालय ललितपुरले इजाजत प्राप्त हातहतियार तथा बारुदजन्य सामग्रीहरू बुझाउन सम्बन्धित सबैलाई सूचना जारी गरेको छ। निर्वाचनलाई निष्पक्ष, भयरहित र शान्तिपूर्ण रूपमा सम्पन्न गर्नका लागि यो कदम चालिएको प्रशासनले जनाएको छ।
सूचनामा उल्लेख भएअनुसार, ललितपुर जिल्लाभित्रका सबै इजाजत प्राप्त हातहतियारहरू माघ २० गतिभित्र जिल्ला प्रहरी परिसर वा नजिकको प्रहरी कार्यालयमा बुझाउनुपर्नेछ। निर्वाचनको मिति फागुन २९ गते तोकिएको छ, जसलाई सुरक्षित बनाउन यो व्यवस्था लागू गरिएको हो। बुझाइएका हातहतियारहरू निर्वाचनपछि चैत्र २० गते फिर्ता लिन सकिने व्यवस्था गरिएको छ।
प्रशासनका अनुसार, यो सूचना निर्वाचन आचारसंहिता तथा सुरक्षा व्यवस्थापनको हिस्सा हो। यदि समयसीमाभित्र हातहतियार नबुझाएमा कानुनी कारबाही हुने चेतावनी दिइएको छ। ललितपुरकी सहायक प्रमुख जिल्ला अधिकारी सुप्रभा खनाल ढुंगेलले हस्ताक्षर गरेको यो सूचनाले निर्वाचनको समयमा जिल्लामा शान्ति कायम राख्न मद्दत पुग्ने अपेक्षा गरिएको छ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
