Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । सगरमाथा लुम्बिनी इन्स्योरेन्स (सलिको) द्वारा उदयपुर जिल्लको त्रियुगा नगरपालिका १० मा तीन दिने कृषि पशुपंक्षी तथा जडीबुटी बीमा अभिकर्ता तालिम सम्पन्न भएको छ । कम्पनीले माघ १३ गतेदेखि माघ १५ गतेदेसम्म तालिम सम्पन्न भएको हो ।
त्रियुगा नगरपालिका १० स्थित होटल ओल्ड दरबारमा सञ्चालन भएको तीन दिने कृषि पशुपंक्षी तथा जडीबुटी बीमा अभिकर्ता तालिम सफलतापूर्वक सम्पन्न भएको छ । सगरमाथा लुम्बिनी इन्सुरेन्स कोशी प्रदेश प्रमुख श्री नारायण गौतमको अध्यक्षतामा सम्पन्न भएको उक्त कार्यक्रम कृषि तथा पशुपंक्षी विभाग प्रमुख उमेश ढकालले सहजीकरण गरेका थिए । कार्यक्रममा इन्सुरेन्स कम्पनीका प्रतिनिधि साथै विभिन्न जिल्लाहरूबाट सहभागीको सहभागिता रहेको थियो ।
उक्त कार्यक्रममा १५ जना सहभागीहरूले सहभागिता जनाई सफलतापूर्वक प्रमाणपत्र प्राप्त गरे । कार्यक्रम सञ्चालक उदयपुर गाईघाट शाखा कार्यालयका प्रमुख धनबहादुर कटुवालले गरेका थिए । अभिकर्ता तालिम प्राप्त गरिसके पश्चात अभिकर्ताहरू कृषकहरूकोमा गई कृषकहरूको अधिकतम मात्रामा सुरक्षण प्रदान गर्ने र कृषि बीमाको दायरा बढ्ने विश्वास कम्पनीले राखेको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
