Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
ब्रेक फेल भएर
काठमाडौं । सोमबार बिहान करिब ११:५० बजे उदयपुरगदी गाउँपालिका–७ अधेरी जोगी टोलस्थित मदनभण्डारी लोकमार्गमा कटारीबाट गाईघाटतर्फ आउँदै गरेको बा २ ख ६२५७ नम्बरको ओखलढुङ्गे बस ब्रेक फेल भएर सडकबाट करिब ३०–४० फिट तल खस्दा १५ जना घाइते भएका छन् ।
घाइतेहरूलाई तत्काल जिल्ला अस्पताल उदयपुरमा उपचारका लागि ल्याइएको छ । घटनास्थलमा सशस्त्र प्रहरी बल नेपाल नं. ५ गण त्रियुगा उदयपुर र अस्थायी प्रहरी पोष्ट संगमचोकबाट संयुक्त टोली खटाइएको थियो । बस चालक ४५ वर्षीय बिक्रम राईलाई प्रहरी चौकी संगमचोकको नियन्त्रणमा राखिएको छ ।
यी हुन् घाइते
२२ वर्षीया मणिका मगर – सामान्य चोट
३५ वर्षीया अनिता चौधरी – टाउको र शरीरको विभिन्न भागमा चोट
७३ वर्षीया सोममाया मगर – टाउकोमा गम्भीर चोट
४० वर्षीय प्रकाश भुजेल – शरीरको विभिन्न भागमा चोट
२१ वर्षीया रेशिका बस्नेत – सामान्य चोट
१७ वर्षीय तिलक बस्नेत – सामान्य चोट
१० वर्षीय दीपेश तामाङ्ग – सामान्य चोट
१९ वर्षीकी पवित्रा श्रेष्ठ – सामान्य चोट
२० वर्षीया रेश्मा बस्नेत – सामान्य चोट
६० वर्षीकी सोममाया परियार – गम्भीर चोट
२७ वर्षीय नितेश बुढाथोकी ९सहचालक० – सामान्य चोट
७८ वर्षीय दल बहादुर तामाङ – शरीरको विभिन्न भागमा चोट
१५ वर्षीय प्रेम तामाङ – सामान्य चोट
२८ वर्षीय सुबास नेपाली – सामान्य चोट
१५ वर्षीय सुजन तामाङ्ग – सामान्य चोट
प्रहरी र उद्धार टोलीले घटनास्थलबाट सबै घाइतेलाई उद्धार गरी अस्पतालमा पुर्याएको जनाएको छ । दुर्घटनाको कारण र बसको प्राविधिक अवस्थाबारे थप अनुसन्धान जारी रहेको छ ।
यस दुर्घटनाले स्थानीय सडक सुरक्षामा कडाइ आवश्यक रहेको विषयलाई पुन: जोड दिएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
