Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौँ । अखिल (क्रान्तिकारी) नेपाल कमर्स क्याम्पस समितिको संयोजकमा काशीराम जैशीलाई जिम्मेवारी तोकिएको छ । क्रान्तिकारीको क्याम्पस जिल्ला समितिले जैशीलाई मंगलबार जिम्मेवारी तोकेको हो ।
अध्यक्ष पद रिक्त रहेको अवस्थामा संगठनको सांगठनिक निरन्तरता, नेतृत्वको स्पष्टता तथा आन्दोलनात्मक गतिविधिहरूलाई प्रभावकारी रूपमा अगाडि बढाउन अत्यावश्यक देखिएकोले जैशीलाई संयोजकको जिम्मेवारी तोकिएको बताइएको छ ।
‘तपाईंलाई संगठनको नीति, सिद्धान्त र कार्यक्रम अनुसार सम्पूर्ण गतिविधि सञ्चालन, समन्वय तथा आवश्यक निर्णय प्रक्रिया अगाडि बढाउने पूर्ण अधिकार प्रदान गरिएको छ । साथै, संगठनलाई विधिसम्मत ढंगले पुनर्संरचना र सुदृढीकरण गर्न क्याम्पस सम्मेलन आयोजना गरी नयाँ नेतृत्व चयन प्रक्रिया अगाडि बढाउन पनि निर्देशन दिइन्छ’, जैशीलाई पठाएको पत्रमा भनिएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
