Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौँ । अमेरिका र क्यानडामा उच्च शिक्षा हासिल गर्न चाहने नेपाली विद्यार्थीहरूलाई लक्षित गर्दै काठमाडौँमा ‘इन्टरनेसनल एण्ड ग्लोबल करिअरसमिट २०२६’ आयोजना हुने भएको छ।
अर्बिट इन्टरनेसनल एजुकेशन र स्ट्र होल्डिङ्सको संयुक्त आयोजनामा हुने उक्त कार्यक्रम अमेरिकास्थित एमपावर फाइनान्सिङ कम्पनीको सहकार्यमा सञ्चालन हुन लागेको हो। एमपावरले अमेरिका र क्यानडा पढ्न चाहने विद्यार्थीका लागि विना धितो शैक्षिक ऋण प्रदान गर्छ।
आगामी चैत १४ गते काठमाडौंको नयाँ बानेश्वरस्थित एभरेष्ट होटलमा बिहान १० बजेदेखि बेलुका ४ बजेसम्म सो समिट सञ्चालन हुने स्ट्र होल्डिङ्सले जनाएको छ।
विशेषज्ञहरूले धितो बिना शैक्षिक ऋण कसरी प्राप्त गर्न सकिन्छ भन्नेबारे जानकारी दिनुका साथै अमेरिका र क्यानडामा अध्ययनका लागि आवश्यक वित्तीय योजना कसरी बनाउने भन्ने विषयमा पनि स्पष्ट मार्गदर्शन गर्ने आयोजकले जनाएको छ।
विदेश अध्ययन केवल विद्यार्थी मात्र नभई अभिभावकको समेत महत्वपूर्ण निर्णय हुने भएकाले कार्यक्रममा दुवै पक्षलाई लक्षित विशेष सत्रहरू राखिएको बताइएको छ।
कार्यक्रममा विदेशमा बसाइँका क्रममा सुरक्षा, स्वास्थ्य बीमा, र विद्यार्थीहरूको जीवनशैली व्यवस्थापनबारे जानकारी दिइने छ। साथै अध्ययनपछिका अवसरहरू जस्तै अमेरिकाको व्यवहारिक वैकल्पिक प्रशिक्षण र क्यानडाको वर्क परमिट प्रणाली-का फाइदाबारे पनि छलफल हुनेछ।
यसका साथै, समिटलाई अझ रोचक बनाउन एमपावरले ‘आइसब्रेकर’ गतिविधि र ‘कहुट’ हाजिरीजवाफ प्रतियोगिता पनि आयोजना गर्नेछ, जहाँ सहभागीहरुले आकर्षक उपहार जित्न सक्ने आयोजकको भनाइ छ।
प्रारम्भिक रूपमा सहभागी हुनेहरूलाई पावर बैंक र थर्मल टम्बलर उपहार दिइनेछ भने एक जना भाग्यशाली सहभागीले आई प्याड जित्ने अवसर पाउनेछन्। समिटमा सहभागी हुन कुनै शुल्क लाग्ने नलाग्ने तर, सीमित सिटका कारण इच्छुक विद्यार्थी र अभिभावकले अग्रिम दर्ता गर्नुपर्ने आयोजकले जानकारी दिएको छ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
