ओलीको प्रभावकारी उपचारको व्यवस्था गर्न अदालतको आदेश

काठमाडौँ । जिल्ला अदालत काठमाडौँले पूर्वप्रधानमन्त्री केपी शर्मा ओलीको स्वास्थ्य अवस्थालाई ध्यानमा राख्दै निजको प्रभावकारी र आवश्यक उपचारको व्यवस्था गर्न आदेश दिएको छ ।

भदौ २३ र २४ गतेको घटनासम्बन्धी जाँचबुझ आयोगको प्रतिवेदनका आधारमा अनुसन्धानका लागि प्रहरी हिरासतमा रहेका ओली हाल अस्वस्थ भई अस्पतालमा उपचाररत छन् ।

यहीबिचमा अदालतले आइतबार ओली र पूर्वगृहमन्त्री रमेश लेखक दुवैलाई थप ५ (पाँच) दिन हिरासतमा राखी अनुसन्धान गर्न प्रहरीलाई अनुमति दिएको छ । प्रतिवादीहरूको बयान लिने, बुझ्नुपर्ने मानिसहरूको घटना विवरण कागज गर्ने तथा जाँचबुझ आयोगको प्रतिवेदन अध्ययन र विश्लेषण गर्ने प्रयोजनका लागि म्याद थप गरिएको हो । थपिएको म्यादमा मुलुकी फौजदारी कार्यविधि संहिता, २०७४ को दफा १४ (६) बमोजिमका कार्यहरू सम्पन्न गर्न भनिएको छ ।

आदेशमा भनिएको छ, 'प्रतिवादी केपी शर्मा ओली अस्वस्थ भई उपचारार्थ अस्पतालमा रहेको भन्ने समेत देखिँदा निजको प्रभावकारी आवश्यक उपचारको व्यवस्था गर्न समेत यो आदेश गरिदिएको छ ।' ओली र लेखकको तर्फबाट गणेश बहादुर ओली, बलराम सुवेदी, धर्मराज रेग्मी, डा. मुकुन्द अधिकारी, रमण कुमार कर्णसहितका कानुन व्यवसायीहरूले बहस गरेका थिए ।

अदालतले प्रतिवादीहरूलाई प्रहरी हिरासतमा राख्न माग गरिएको व्यहोरा मनासिव देखिएको उल्लेख गर्दै अनुसन्धान प्रक्रियालाई पूर्णता दिन म्याद थपको अनुमति दिएको हो ।

ओलीको प्रभावकारी उपचारको व्यवस्था गर्न अदालतको आदेश

ओलीको प्रभावकारी उपचारको व्यवस्था गर्न अदालतको आदेश

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय