Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । नेकपा माओवादी प्रधानमन्त्री बालेन शाहको विरोधमा सडकमा निस्कने भएको छ । प्रधानमन्त्री शाहले नेपाल-भारत सीमा विवादबारे दिएको अभिव्यक्ति राष्ट्रिय स्वाधीनता, भौगोलिक अखण्डता र सार्वभौमसत्ताका खिलाफमा रहेको माओवादीले ठहर गरेको छ।
माओवादीका प्रवक्ता प्रकाण्डले जारी गरेको विज्ञप्तिमा भनिएको छ, ‘यो अभिव्यक्ति नेपाल राष्ट्रको पहिचान र जनभावना विपरीत छ । यसले वालेन्द्र शाह सरकारको नवदलाल पुँजीवादी, चरम राष्ट्रघाती र जनघाती चरित्र आम राष्ट्रवादी नेपाली जनता र विश्व सामु उदांगिएको छ ।’
प्रधानमन्त्री शाहको अभिव्यक्ति अन्जान र अस्पष्टताको उपज नभएको जिकिर गरेको छ।
विज्ञप्तिमा भनिएको छ,‘यो त हाम्रो राष्ट्रको भौगोलिक अखण्डता र स्वाधीनताका विरुद्ध साम्राज्यवादी षड्यन्त्रको नवदलाल सरकार मुखरित अभिव्यक्ति मात्र हो । यो षड्यन्त्र नेपाली जनता र हाम्रो पार्टीका निम्ति सहनीय छैन ।’
प्रधानमन्त्रीको अभिव्यक्तिको प्रतिवाद गर्न आज बेलुकी ७ बजे देशव्यापी मसाल जुलुसको कार्यक्रम घोषणा गरेको बताए। उक्त कार्यक्रममा सहभागिताका निम्ति सिङ्गो पार्टीपंति र सम्पूर्ण देशभक्त नेपाली जनतामा पार्टी विशेष आह्वान गरेको छ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
