पशुपति र वसन्तपुर क्षेत्रमा चिरोत्थान : फागु पर्व शुरु

काठमाडौं । फागुपूर्णिमा अर्थात् होली पर्व शुरु गर्नुअघि पशुपति र वसन्तपुर क्षेत्रका सात स्थानमा लिंगो गाड्ने काम (चिरोत्थान) गरिएको छ । गुह्येश्वरी जंगलमा फाल्गुन शुक्ल अष्टमीका दिन बिहान मयलको हाँगो काटी गुह्येश्वरी, गोरखनाथ र पशुपतिमा चढाएर ती स्थानमा पनि लिंगो गाडिने परम्परा रहेको युवा हिन्दू महासंघ वसन्तपुरका अध्यक्ष राजन महर्जनले जानकारी दिए । मयलको हाँगो काटेर ल्याई नेपाल पञ्चांग निर्णायक समितिले दिएको साइतअनुसार आज आइतवार बिहान ८ः२६ बजे चिरोत्थान गरिएको हो । वसन्तपुरका पनि चार स्थानमा चिरोत्थान गरिएको छ । हनुमानढोका दरबार क्षेत्रका सुन्दरीचोक, दाखचोक, हनुमान मन्दिरअघि र गद्दी बैठकअघि गरी चार स्थानमा लिंगो गाडिएको छ । पशुपति र वसन्तपुर दरबार क्षेत्रका सात स्थानमा लिंगो गाड्ने चलन प्राचीनकालदेखि रही आएको छ । आज बिहान चिरोत्थान गरिएसँगै फागु पर्व शुरु भएको मानिन्छ । फाल्गुन शुक्ल पूर्णिमाका दिन फागुपूर्णिमा पर्व मनाइन्छ ।

फाल्गुन शुक्ल अष्टमीका दिन गाडिएको लिंगो फाल्गुन शुक्ल पूर्णिमाका दिन बेलुकी ८ः३६ बजे ढाल्न शुभ हुने साइत समितिले दिएको छ । लिंगो ढालेर त्यसै बेलुकी ८ः५६ मा दहन गर्नुपर्ने समितिले जनाएको छ । चिरोत्थानका लागि मयलको हाँगो काट्ने, ल्याउने र गाड्ने काममा वसन्तपुर क्षेत्रका मानन्धर समाजका सदस्य सक्रिय हुने परम्परा रही आएको छ ।

पशुपति र वसन्तपुर क्षेत्रमा चिरोत्थान : फागु पर्व शुरु

पशुपति र वसन्तपुर क्षेत्रमा चिरोत्थान : फागु पर्व शुरु

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय