Aug 15 2025 | २०८२, साउन ३० गते
Aug 15 2025 | २०८२, साउन ३० गते
काठमाडौं । सुदूरपश्चिम प्रदेशका मुख्यमन्त्री राजेन्द्रसिंह रावलले बुधबार विश्वासको मत लिने भएका छन् । पुस २७ गते मुख्यमन्त्री नियुक्त भएका रावलले २६ गतेभित्र विश्वासको मत लिनैपर्ने संवैधानिक बाध्यता छ ।
नेकपा एमालेका संसदीय दलका नेता रावल माओवादी केन्द्र, नागरिक उन्मुक्ति पार्टी र राप्रपाको समर्थनमा मुख्यमन्त्री भएका हुन् । तर, उनले विश्वासको मत पाउने नपाउने अझै यकिन हुन सकेको छैन । नागरिक उन्मूक्ति पार्टीले विश्वासको मतको विषयमा कुनै निर्णय नगरेकाले अन्योलको स्थिति बनेको हो ।
 (1).gif)
विश्वासको मत दिने नदिने विषयमा आफूहरु छलफल रहेको नागरिक उन्मुक्ति पार्टीका प्रमुख सचेतक लक्ष्मण थारुले बताए । छलफलमै रहेका विश्वासको मतका विषयमा निर्णय भइनसकेको बताए ।
५३ सदस्यीय सुदूरपश्चिम प्रदेशसभामा नागरिक उन्मुक्तिका ७ सांसद छन् । यो संख्या प्रदेशको सरकार निर्माणदेखि संसद्का हरेक प्रक्रियामा निर्णायक छ ।
तर, एमाले र माओवादीका नेताहरूले भने नागरिक उन्मुक्ति विश्वासको मत दिने बताउँदै आएका छन्।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
