Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौँ । लमजुङमा एक लाख बढी नगदसहित जुवा खालबाट ११ जना पक्राउ परेका छन् । जिल्ला प्रहरी कार्यालय लमजुङका अनुसार जिल्लाको सुन्दरबजार नगरपालिका ६ खत्रीठाटीबाट एक लाख २४ हजार दुई सय ९५ रुपैयाँसहित जुवाडे पक्राउ परेको हो ।
बिहीबार राती करिब ११ बजेको समयमा खत्रीठाँटीका बर्ष ४३ को सुवास श्रेष्ठको घरबाट रकम हारबाजी राखी जुवा (कौडा) खेलिरहेको अवस्थामा घरधनी सहित जुवाडे पक्राउ परेको जिल्ला प्रहरी कार्यालले जनाए ।
जिल्ला प्रहरी कार्यालय, इलाका प्रहरी कार्यालय भोटेओडार र सुन्दरबजारको प्रहरी टोलीले एकादशीको दिन हारजितको बाजी राखेर कौडा खेलिरहेको सूचनाको आधारमा श्रेष्ठको घरमा छापा मारेको जिल्ला प्रहरी कार्यालय लमजुङका सूचना अधिकारी थानेश्वर चपाईलेजनाएका छन् । सूचना अधिकारी चपाईले उनीहरुको साथबाट १६ थान कौडा र नगद बरामद भएको बताए ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
