Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । च्याउ उत्पादन किसान संघ नेपाल, काठमाडौं जिल्ला समितिको आज सम्पन्न महाधिवेशनले नयाँ कार्यसमिति घोषणा गरेको छ ।
समितिले जिल्लामा च्याउ उत्पादन, प्रविधि विकास तथा बजार व्यवस्थापनलाई प्रभावकारी बनाउन नयाँ नेतृत्वलाई जिम्मेवारी हस्तान्तरण गरेको हो ।
महाधिवेशनको निर्णय अनुसार प्रदिप तामाङ काठमाडौं जिल्ला समितिको अध्यक्षमा सर्वसम्मत चयन भएका छन् ।
किसानमैत्री कार्यक्रम र संगठन विस्तारलाई प्राथमिकतामा राख्दै उपाध्यक्षमा केपी लिम्बू, सचिवमा राज खड्का, उप–सचिवमा मोहन मगराती र कोषाध्यक्षमा प्रकाश वोगटीलाई मनोनयन गरिएको छ ।
त्यसैगरी सदस्यहरूमा सुमन ठकुरी, गिर्ग बहादुर तामाङ, संग्राम तामाङ र रबिन गौतम रहेका छन् । समितिले २ जना महिला सदस्य पछि मनोनीत गर्ने निर्णय समेत गरेको छ ।
समितिका अनुसार नयाँ नेतृत्वले किसानलाई प्रविधिमैत्री तालिम, गुणस्तरीय बीउ तथा कम्पोस्ट उपलब्धता, बजार समन्वय, युवा–महिला सहभागिता वृद्धि लगायतका कार्यक्रमलाई प्राथमिकतामा राख्दै कार्ययोजना अघि बढाउनेछ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
