Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । आसन्न प्रतिनिधिसभा सदस्य निर्वाचनलाई सफलतापूर्वक सम्पन्न गर्न छिमेकी भारतले आवश्यक सहयोग उपलब्ध गराउने प्रतिबद्धता व्यक्त गरेको छ ।
गृहमन्त्री ओमप्रकाश अर्यालसँग भारतीय विदेश मन्त्रालयका अतिरिक्त सचिव मुनु महावरले आज सिंहदरबारमा गरेको शिष्टाचार भेटमा उनले निर्वाचनका लागि आवश्यक स्रोतसाधन तथा सुरक्षा सम्बन्धी सामग्री प्रदान गर्न भारत तत्पर रहेको बताए ।
महावर नेपाल भ्रमणको सिलसिलामा आइतबार काठमाडौं आएका हुन् । भेटमा उनले जाजरकोट भूकम्पपछिको पुनर्निर्माण तथा अन्य विपद्बाट क्षतिग्रस्त संरचनाको पुनःस्थापनामा समेत भारत सहयोग गर्न इच्छुक रहेको बताएको गृहमन्त्रीको स्वकीय सचिवालयले जनाएको छ ।
अतिरिक्त सचिव महावरले गृहमन्त्री अर्याललाई उपयुक्त समयमा भारत भ्रमणको निमन्त्रणासमेत दिएका थिए ।
सो अवसरमा गृहमन्त्री अर्यालले कञ्चनपुरस्थित दोधारा–चाँदनी क्षेत्रमा निर्माणाधीन सुक्खा बन्दरगाहको कामलाई तीव्रता दिन भारतीय पक्षलाई आग्रह गरे ।
उनले सीमा अपराध नियन्त्रण, चोरी–तस्करी रोकथाम, अवैध वस्तुको ओसारपसार र आपराधिक गतिविधि नियन्त्रणमा दुवै देशका सुरक्षा निकायबीच सूचना आदान–प्रदान र क्षमता अभिवृद्धि अझ प्रभावकारी हुनुपर्नेमा जोड दिए ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
