Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । पश्चिम बंगाल विधानसभा निर्वाचनको दोस्रो तथा अन्तिम चरण अन्तर्गत १४२ सिटहरूमा बुधबार बिहान ७ बजेदेखि मतदान सुरु भएको छ।
समाचार एजेन्सी पीटीआईका अनुसार, यस दोस्रो चरणमा कुल १,४४८ उम्मेदवारहरू चुनावी मैदानमा छन्, जसमा २२० जना महिला उम्मेदवार रहेका छन्। यो चरणमा कुल ३.२१ करोड मतदाताहरूले आफ्नो मताधिकार प्रयोग गर्दैछन्।
कोलकाता, हावडा, उत्तर र दक्षिण २४ परगना, नदिया, हुगली र पूर्व बर्धमान जिल्लाका मतदान केन्द्रहरूमा बिहानैदेखि मतदाताहरूको लामो लाइन देखिएको छ।
सन् २०२१ को निर्वाचनमा यी १४२ सिटमध्ये तृणमूल कांग्रेस (टीएमसी)ले १२३ सिट जितेको थियो भने भारतीय जनता पार्टी (भाजपा)ले १८ र आईएसएफले १ सिट मात्र हात पारेका थिए।
पश्चिम बंगालमा पहिलो चरणको मतदान अप्रिल २३ मा १५२ सिटहरूका लागि सम्पन्न भइसकेको छ। निर्वाचनको अन्तिम परिणाम मे ४ मा सार्वजनिक हुनेछ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
