Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । तमिलनाडुका मुख्यमन्त्री जोसेफ विजयले साना तथा सीमान्त किसानहरूले सहकारी बैंकबाट लिएको ५० हजार रुपैयाँसम्मको बाली ऋण मिनाहा गरेका छन्।
मुख्यमन्त्री विजयले सोमबार सहकारी बैंकबाट बाली ऋण लिएका ठूला किसानलाई पनि ५ हजार रुपैयाँ राहत दिने घोषणा गरेका छन्।
तमिलनाडु मुख्यमन्त्री कार्यालयले आधिकारिक एक्स ह्यान्डलमार्फत यसको जानकारी सार्वजनिक गरेको हो।
यो घोषणा सचिवालयमा मुख्यमन्त्रीको अध्यक्षतामा बसेको समीक्षा बैठकपछि गरिएको हो।
बैठकमा कृषि तथा किसान कल्याण मन्त्री आर विनोथ, सहकारिता मन्त्री वी गान्धीराज, वित्त मन्त्री एन मेरी विल्सन तथा वरिष्ठ अधिकारीहरूको सहभागिता रहेको थियो।
सरकारका अनुसार विजयको यस निर्णयबाट करिब १४ लाख २२ हजार किसान लाभान्वित हुनेछन्। यसका लागि सरकारलाई थप २ हजार ४४ करोड ४६ लाख रुपैयाँ खर्च लाग्नेछ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
