May 02 2025 | २०८२, वैशाख १९ गते
May 02 2025 | २०८२, वैशाख १९ गते
काठमाडौँ । नेपाल राष्ट्र बैंकले वैशाख २१ गते संस्थालाई पत्र पठाउँदै किसान लघुवित्त वित्तीय संस्था लिमिटेडको आर्थिक वर्षका लागि प्रस्तावित बोनस सेयर कटौती गरेको छ ।
यसअघि किसान लघुवित्तले गत आर्थिक वर्षको सञ्चित मुनाफाबाट संस्थाको चुक्तापुँजी ३९ करोड २८ लाख ८ हजार ७७५.२५ रुपैयाँबाट २५ प्रतिशत हुन आउने ९ करोड ८२ लाख २ हजार १९४ रुपैयाँबराबरको बोनस सेयर वितरण गर्ने प्रस्ताव गरेको थियो । सोहीअनुसार संस्थाले स्वीकृतिका लागि राष्ट्र बैंकमा पठाएको थियो।
राष्ट्र बैंकले भने स्वीकृति पत्र पठाउँदै चुक्तापुँजीको २० प्रतिशतले हुने रकम ७ करोड ८५ लाख ६१ हजार ७५५.०५ रुपैयाँबराबरको बोनस सेयर ऐन तथा नियमावली र अन्य प्रचलित कानुनी व्यवस्थासमेत पालना गर्ने गरी संस्थाको वार्षिक साधारणसभा प्रयोजनका लागि गत आर्थिक वर्षको वित्तीय विवरण प्रकाशन गर्न सहमति प्रदान गरेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
