Aug 30 2025 | २०८२, भदौ १४ गते
Aug 30 2025 | २०८२, भदौ १४ गते
काठमाडौं । उखु किसानले गरिरहेको काठमाडौं केन्द्रित आन्दोलन स्थगित भएको छ ।
शुक्रबार कृषिमन्त्री रामनाथ अधिकारीसँगको भेटवार्ता पछि केही दिनका लागि आन्दोलन स्थगन गरिएको किसानले जानकारी दिएका हुन् ।
 (1).gif)
उखु किसानले कृषिमन्त्रीसँग आफुहरुका कुरा राज्यका कुनै निकायले नसुनेको गुनासो किसानका प्रतिनिधिहरूले कृषिमन्त्रीसमक्ष गरेका थिए ।
प्रधानमन्त्री केपी शर्मा ओली चीन भ्रमणबाट फर्किएपछि आफ्ना माग राख्ने र सम्बोधन नभए फेरि आन्दोलन गर्ने उनीहरूले बताएका छन् । किसानसँगको वार्तामा कृषिमन्त्री अधिकारीले किसानलाई उखुमा दिँदै आएको प्रति क्विन्टल ७० रूपैयाँ अनुदान दिलाउन पहल गर्ने आश्वासन दिएका थिए ।
सबै माग सम्बोधनका लागि दशैंसम्म पर्खिनसमेत उनले आग्रह गरेको किसानले बताएका छन् । उखु बालीमा सरकारले दिँदै आएको अनुदान रकममा कटौती गरेपछि तराई—मधेशका १३ जिल्लाका उखु किसानहरू आन्दोलित भएका छन् ।
आर्थिक वर्ष २०८१/०८२ को उखु क्रसिङबापतको अनुदान रकम पुरानै दरमा उपलब्ध गराउनुपर्ने माग गर्दै उनीहरूले चरणबद्ध आन्दोलन गरिरहेका छन् । नेपाल उखु उत्पादक महासंघका अनुसार, देशभरका १३ जिल्लाका किसानहरूले चिनी उद्योगमा उपलब्ध गराएको उखुको कुल एक अर्ब ६० करोड रुपियाँ अनुदान रकम सरकारले भुक्तानी गर्न बाँकी छ ।
यसअघि सरकारले उखुको प्रति क्वीन्टल मूल्य ६५५ रुपियाँ तोकेको थियो । जसमा चिनी उद्योगले ५८५ र सरकारले ७० रुपियाँ अनुदान दिने व्यवस्था थियो । तर बजेट अभाव देखाउँदै सरकारले अनुदान रकम आधा घटाएर प्रति क्वीन्टल ३५ रुपियाँमा झारेपछि किसान असन्तुष्ट बनेका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
