May 17 2025 | २०८२, जेठ ३ गते
May 17 2025 | २०८२, जेठ ३ गते
काठमाडौं । चितवनको भरतपुरस्थित बाइपास रोडमा एक सर्वसाधारणलाई प्रहरीले निर्घात कुटपिट गरेको छ । सडकमा जाँच गर्न क्रममा युवकलाई एक जना प्रहरीले लात्तीले कुटपिट गरेको भिडियोसमेत सामाजिक सञ्जालमा भाइरल बनेको छ ।
‘कसलाई फोन गर्ने ? पावर देखाएको’ भन्दै प्रहरीले ती प्रहरीले निर्घात कुटपिट गरेको भिडियोमा देखिन्छ । कुटपिटका क्रममा प्रहरीले अपशब्द प्रयोग गर्दै गालीगलौज पनि गरेका छन् ।
मोटरसाइकलको कागजपत्र जाँच गरिरहेको प्रहरीले संयमता गुमाउँदै युवामाथि कुटपिट गरेको भिडियोमा देखिन्छ ।
भिडियो सामाजिक सञ्जालमा सार्वजनिक भएपछि प्रहरीले अनुसन्धान अगाडि बढाएको छ । जिल्ला प्रहरी कार्यालय चितवनमा प्रमुख एसपी गौतम मिश्रले भिडियो आफूले पनि हेरेको र छानबिन अगाडि बढाइएको बताए ।
एसपी मिश्रले भिडियोमा युवामाथि कुटपिट गर्ने प्रहरीको पहिचान गरेर कारबाहीको दायरामा ल्याउने बताए ।
घटना छानबिनका लागि डीएसपी ज्ञानकुमार महतोको नेतृत्वमा तीन सदस्यीय छानबिन समिति गठन गरिएको उनले बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
