Jun 26 2025 | २०८२, असार १२ गते
Jun 26 2025 | २०८२, असार १२ गते
तुइन खोला पुल नजिकै पहिरोको जोखिम उच्च
काठमाडौं । मुग्लिन-नारायणगढ सडकअन्तर्गत चितवनको तुइनखोला क्षेत्र आज दिउँसो २ घण्टा बन्द रहने भएको छ ।
तुइन खोला पुल नजिकै पहिरोको जोखिम उच्च रही कुनै पनि समयमा माथिबाट ढुंगा झर्ने र सम्भावित दुर्घटना हुन सक्ने भएकोले सडक डिभिजन भरतपुरले हाल ढुंगा झार्ने काम गरिरहेकाले सडक केहीबेर अवरुद्ध हुने भएको हो ।
 (1).gif)
सम्भावित दुर्घटनालाई न्यूनीकरणका लागि सडक डिभिजनबाट लङ बूम स्काभेटर प्रयोग गरि ढुंगा झार्ने काम अझै कायमै रहेको हुँदा आज बिहीबार दिउँसो १ बजेदेखि ३ बजेसम्म करिब २ घण्टा जति पुनः सवारी आवागमन बन्द रहने कार्यालयले जनाएको छ ।
उक्त अवधिभर आफ्नो लेन अनुशासनमा रही सवारीसाधन रोक्न सडक डिभिजनले अनुरोध गरेको छ । पहिलोपटक रोकिएका सवारीसाधनको आवागमन खुला गरि पुनः अहिले काम भइरहेको इन्जिनियर अर्जुन घिमिरेले जानकारी दिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
