Jul 01 2025 | २०८२, असार १७ गते
Jul 01 2025 | २०८२, असार १७ गते
काठमाडौं । सुनजस्तो देखिने पहेँलो धातुलाई गरगहना भन्दै देखाई ठगी गर्ने एक जना व्यक्तिलाई प्रहरीले काठमाडौँबाट पक्राउ गरेको छ ।
जिल्ला प्रहरी परिसर, काठमाडौँका अनुसार ललितपुरको महालक्ष्मी नगरपालिका-६, लिवु टोल बसोबास गर्ने ४९ वर्षीय दिलराम मगरले सुनझैँ देखिने धातु प्रयोग गरी विभिन्न सुनचाँदी पसलमा गरगहना भन्दै ठगी गर्दै आएका थिए ।
 (1).gif)
उनलाई प्रहरीको टोलीले सोमबार बुढानीलकण्ठस्थित एक सुनचाँदी पसलबाट पक्राउ गरेको जिल्ला प्रहरी परिसर काठमाडौंका प्रवक्ता समेत रहेका प्रहरी उपरीक्षक (एसपी) अपिलराज बोहराले जानकारी दिए ।
उनका अनुसार मगरले पीडितलाई सुनजस्तो देखिने धातुका गरगहना देखाई विश्वास दिलाएर नगद ११ लाख रुपैयाँ ठगी गरेका थिए ।
उनीसँग सुनजस्तो देखिने धातुबाट बनेको माइली तिलहरी २२ थान, छड्के तिलहरी- १६ थान, सुनचाँदी पसलका बिल १७ थान र विभिन्न कम्पनीका मोबाइल फोन २ थान नियन्त्रणमा लिइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
