Aug 04 2025 | २०८२, साउन १९ गते
Aug 04 2025 | २०८२, साउन १९ गते
काठमाडौं । काठमाडौं प्रहरीले क्रिप्टो करेंसीमार्फत अवैध कारोबारमा संलग्न एक व्यक्तिलाई पक्राउ गरेको छ ।
जिल्ला प्रहरी परिसर काठमाडौंको विशेष सूचनाका आधारमा खटिएको प्रहरी टोलीले काठमाडौं महानगरपालिका–१४, कलंकीस्थित स्थानबाट सुशान्त दाहाल नाम गरेका युवकलाई पक्राउ गरेको हो ।
 (1).gif)
पक्राउ पर्ने दाहाल मकवानपुरको हेटौंडा उपमहानगरपालिका–१६, चिसापानी स्थायी घर भई हाल भक्तपुरको मध्यपुर ठिमी नगरपालिका–३, कौशलटारमा बस्दै आएका २१ वर्षीय युवक हुन् ।
प्रहरीका अनुसार उनले USDT, BTC, ETH, र BNB जस्ता क्रिप्टो करेंसी प्रयोग गरी नेपाली रुपैयाँ ७८ लाख ३० हजार ३८८ बराबरको कारोबार गरेका थिए । नेपालमा क्रिप्टो कारोबार अवैध मानिने भएकोले उनलाई “अभौतिक मुद्राको कारोबार गर्न नहुने सम्बन्धी कसूर” अन्तर्गत पक्राउ गरिएको हो ।
बरामद वस्तुहरू:
१ थान मोबाइल फोन
२ थान सिम कार्ड
जिल्ला प्रहरी परिसर, काठमाडौंका प्रवक्ता प्रहरी उपरीक्षक (प्र.उ.) कुलदिप चन्दका अनुसार घटनाबारे थप अनुसन्धान जारी छ । नेपालमा क्रिप्टो करेंसी कारोबारमा कानुनी प्रतिबन्ध रहेको र यस्ता गतिविधिमा संलग्न जो–कोहीमाथि आवश्यक कानुनी कारबाही हुने प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
