Sep 06 2025 | २०८२, भदौ २१ गते
Sep 06 2025 | २०८२, भदौ २१ गते
काठमाडौं । इजरायली कब्जा बलहरूले गाजा सहरका आवासीय भवन र विस्थापित शिविरमा आक्रमण गर्दा कम्तीमा १४ जना प्यालेस्टिनीको ज्यान गएको छ । आक्रमणमा दर्जनौँ घाइते भएका छन् ।
चिकित्सा स्रोतहरूका अनुसार गाजास्थित एक आवासीय अपार्टमेन्टमा लडाकु विमानले बम प्रहार गर्दा तीन जनाको मृत्यु हुनुका साथै सात जना घाइते भएका छन् ।
 (1).gif)
यसैबिच, रामल्लामा विस्थापित प्यालेस्टिनी शिविरमा इजरायली सेनाले गरेको गोलाबारीमा तीन जनाको मृत्यु भएको छ । गाजा सहरकै अर्को आवासीय भवनमा भएको हवाई आक्रमणमा एक जनाको ज्यान गएको छ भने अन्य केही घाइते भएका छन् ।
दक्षिण गाजास्थित ताल अल हवा र साब्रा क्षेत्रमा भएको आक्रमणमा थप पाँच जना मारिएका छन् । त्यस्तै, पश्चिमी गाजास्थित विस्थापित शिविरमा इजरायली ड्रोनले गरेको आक्रमणमा दुई जनाको मृत्यु भएको छ ।
इजरायली सेनाले हाल गाजा कब्जा गर्ने उद्देश्यसहित अभियानको दोस्रो चरण सुरु गरेको घोषणा गरेको छ र आक्रमण तीव्र बनाइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
