Jun 04 2026 | २०८३, जेठ २१ गते
काठमाडाैं । अर्जुन घिमिरे (पाँडे) निर्देशित चलचित्र ‘झरीपछिको इन्द्रेणी’ हेर्न राष्ट्रिय स्वतन्त्र पार्टीका सभापति रवि लामिछानेसहितका नेताहरू कमलपोखरीस्थित बिग मूभिज पुगेका छन् ।
अहिले उनीहरूले आयोजित विशेष शोमा फिल्म हेरिरहेका छन् । रास्वपाबाट समानुपातिक उम्मेदवार बनेका गायक प्रकाश सपुत तथा वरिष्ठ संगीतकार शम्भुजीत बासकोटा पनि फिल्म हेर्न पुगेका छन् ।
आज आयोजना गरिएको स्पेसल शोमा निर्देशक घिमिरेसहित चलचित्रका कलाकार पनि छन् । प्रदर्शनरत यो चलचित्र जेनजी आन्दोलनको पृष्ठभूमिमा केन्द्रित छ । ४ पुसदेखि हलमा रिलिज भएको यो चलचित्रले पछिल्लो शनिबारसम्म ६२ लाख ६९ हजार नेरु ग्रस कमाएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij