Jun 16 2026 | २०८३, असार २ गते
Jun 16 2026 | २०८३, असार २ गते
काठमाडौं । आगामी ३० बैशाखमा हुने स्थानीय तहको चुनावमा तालमेल गर्ने र प्रधानमन्त्री शेरबहादुर देउवाको भारत भ्रमणको विषयमा छलफल गर्न सत्ता गठबन्धनको बैठक आज प्रधानमन्त्रीको सरकारी निवास बालुवाटारमा बस्दै छ।
बैठक बालुवाटारमा बिहान साढे १० बजे बस्न लागेको बालुवाटार स्रोतले जनाएको छ । सत्तारुढ दलका नेताहरुले आगामी ३० बैशाखमा हुन लागेको स्थानीय निर्वाचन तथा त्यसपछिका प्रदेश र प्रतिनिधिसभा निर्वाचनमा तालमेल गर्ने बताइरहेका छन्।
सरकारको नेतृत्वकर्ता दल नेपाली कांग्रेसभित्र भने चुनावमा तालमेल गर्ने विषयमा विवाद रहेको छ । तर, प्रधानमन्त्री एवम् कांग्रेस सभापति शेरबहादुर देउवा भने चुनावमा गठबन्धन गर्ने विषयमा दृढ देखिएका छन् ।
आजको सत्ता गठबन्धनको बैठकले गर्ने निर्णयलाई चासोका साथ हेरिएको छ। सत्ता गठबन्धनको बैठकमा प्रधानमन्त्री शेरबहादुर देउवाको शुक्रबार हुने भारत भ्रमण र नेपालले उठाउने एजेन्डाका विषयमा पनि छलफल हुने बताइएको छ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
