May 01 2025 | २०८२, वैशाख १८ गते
May 01 2025 | २०८२, वैशाख १८ गते
काठमाडौं । सहकारी संस्था बचत रकम दुरुपयोग संसदीय छानबिन विशेष समितिले बुधबार पीडितसँग छलफल गर्ने भएको छ। बैठकमा २९ वटै सहकारी र अरू पनि सहकारीका प्रतिनिधिमूलक पीडितलाई बोलाएको समितिले जनाएको छ।
बैठक बिहान ११ बजे संसदको सार्वजनिक लेखा समितिको हलमा बस्ने समिति सदस्य लेखनाथ दाहालले जानकारी दिए। उनका अनुसार समितिले एक महिनाको अवधिमा विभिन्न सरोकारवालासँग अन्तरक्रिया मात्रै गरेको छ।
बुधबारदेखि पीडितसँग छलफल गर्ने हुँदा समस्याको खोजी र समाधानका उपायबारे केन्द्रित हुने दाहालले बताए। छानबिन समितिले ३ महिनाको समय पाएको छ।
समितिलाई समस्यामा परेका बचतकर्ताको रकमका बारेमा अध्ययन गरी सिफारिस गर्ने, बचत फिर्ताको अवस्थाबारे अध्ययन गर्ने, रकम हिनामिना भएको भनिएका सहकारीबाट गोरखा मिडिया नेटवर्कमा रकम पठाउँदा कानूनबमोजिम प्रक्रिया पूरा भए/नभएको अध्ययन गर्नेलगायत जिम्मेवारी दिइएको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
