Jul 22 2025 | २०८२, साउन ६ गते
Jul 22 2025 | २०८२, साउन ६ गते
काठमाडौं । जुम्लाको विकासका लागि सङ्घीय सरकारले गत आर्थिक वर्ष २०८१/८२ मा विनियोजन गरेको कूल बजेट मध्ये ६७ दशमलव ९१ प्रतिशत मात्र खर्च भएको छ ।
पुँजीगत तर्फ तीन अर्ब पाँच करोड ११ लाख २७ हजार रुपैयाँ विनियोजन गरिएकामा दुई अर्ब आठ करोड १९ लाख ८५ हजार रुपैयाँ खर्च भएको कोष तथा लेखा नियन्त्रक कार्यालय जुम्लाका प्रमुख मीनबहादुर घर्तीमगरले जानकारी दिए ।
 (1).gif)
यहाँका आठ वटा स्थानीय तहसहित जिल्लाका ३६ वटा सङ्घीय सरकारका मातहतका कार्यालयका लागि चालु र पुँजीगतका लागि जम्मा बजेट आठ अर्ब ६३ करोड ६० लाख बजेट विनियोजन भएको थियो ।चालुतर्फ पाँच अर्ब ५९ करोड ४९ लाख रुपैयाँ बजेटमध्ये पाँच अर्ब २८ करोड ८१ लाख रुपैयाँ अर्थात् ९४ दशमलव ९६ प्रतिशत बजेट चालुतर्फको खर्च भएको छ ।
पुँजीगततर्फ तीन अर्ब पाँच करोड ११ लाख २७ हजार रुपैयाँ विनियोजन बजेटमध्ये दुई अर्ब आठ करोड १९ लाख ८५ हजार रुपैयाँ अर्थात् ६७ दशमलव ९१ प्रतिशत मात्र खर्च भएको छ । कूल बजेटको चालु र पुँजीगत गरी सात अर्ब ३७ करोड एक लाख २५ हजार अर्थात् ८५ दशमलव २३ प्रतिशत खर्च भएको कोष तथा लेखा नियन्त्रक कार्यालय जुम्लाका प्रमुख घर्तीमगरले बताए ।
कूल बजेटको एक अर्ब २७ करोड ५९ लाख १७ हजार विकास बजेट खर्च नभएर फिर्ता गएको कोष तथा लेखा नियन्त्रक कार्यालय जुम्लाले जनाएको छ ।
उक्त कार्यालयको पुँजीगततर्फ जुन बजेट खर्च हुन नसक्दा ७५ करोड दुई लाख ६९ हजार बजेट खर्च फ्रिज गएको कोष तथा लेखा नियन्त्रक कार्यालय जुम्लाले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
