Aug 21 2025 | २०८२, भदौ ५ गते
Aug 21 2025 | २०८२, भदौ ५ गते
काठमाडौं । भ्रमणशील जीवनयापन गर्दै आएका दक्षिण एसियाको एक मात्र लोपोन्मुख जाति राउटे समुदायका ज्येष्ठ सदस्य नन्दाराम शाहीको निधन भएको छ । ७५ वर्षीय शाहीको हृदयाघातका कारण निधन भएको हो ।
उनीलगायत राउते केही समयअघि सुर्खेतको वीरेन्द्रनगर–११ चन्दनपुरबाट बसाई सराई गरेका थिए । लेकबेशी नगरपालिका–१० झुप्राखोला जंगलमा बसोबास गरिरहेका शाहीको बिहीबार बिहान निधन भएको राउटे परियोजनाका जोडी शिक्षकको रूपमा काम गर्दै आएका लालबहादुर खत्रीले टेलिफोनबाट जानकारी दिए ।
 (1).gif)
मृतक नन्दाराम शाहीको पत्नीको एक वर्षअघि मात्र मृत्यु भएको थियो । श्रीमती गुमाएका शाही पछिल्लो समय कमजोर बन्दै गएका थिए । मृतक शाहीका ४५ वर्षीय छोरी बहिरा शाही र ज्वाइँ चन्द्रमान शाही छन् । उनको नाति नातिना ७ जना रहेका छन् ।
फिरन्ते जीवनयापन गर्दै आएका उनीहरू हाल झुप्रा खोला जंगलमा बस्दै आएका छन् । शाहीको निधनपछि राउटे समुदायको संख्या १ सय ३५ मा झरेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
