Jun 18 2026 | २०८३, असार ४ गते
Jun 18 2026 | २०८३, असार ४ गते
काठमाडौं । आज बिहान गोंगबुमा ट्याक्सीमा भएको आगजनी आफूहरुले नगरेको दाहाल-नेपाल समूहले स्पष्ट पारेको छ । सो समूहका राष्ट्रिय युवा संघका संयोजक रामप्रसाद सापकोटा दीपशिखाले फेसबुकमार्फत् आफूहरुले आगजनी र तोडफोड नगरेको दाबी गरेका हुन् ।आफूहरुको आगजनी वा तोडफोड गर्ने कुनै नीति रहेको स्पष्ट पार्दै संयोजक दीपशिखाले आन्दोलनलाई अराजक देखाउन सरकारले घुसपैठ गरेको आरोप लगाए ।
‘यो आयोजकका तर्फबाट गरिएको होइन । आगजनी वा तोडफोड गर्ने कुनै नीति रहेको छैन,’उनले लेखेका छन् ‘आन्दोलनलाई अराजक देखाउने सरकारी घुसपैठको चरम नमुना ।’
आज बिहानै अज्ञात समूहले गोंगबुमा रोकिराखेको एक ट्याक्सीमा आगजनी गरेको थियो । दाहाल-नेपाल समूहले आगजनी गरेको भन्दै सामाजिक सञ्जालमा कडा आलोचना भएपछि दीपशिखाले स्पष्टिकरण दिएका हुन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
