May 04 2025 | २०८२, वैशाख २१ गते
May 04 2025 | २०८२, वैशाख २१ गते
काठमाडौं । संसदीय सुनुवाइ बेगर संवैधानिक आयोगका पदाधिकारीहरू नियुक्तिविरुद्धको मुद्दामा सर्वोच्च अदालतमा आज (बुधबार) सुनुवाइ हुने भएको छ । चार वर्षअघि तत्कालीन प्रधानमन्त्री केपी शर्मा ओली नेतृत्वको सरकारका बेला गरिएको विवादास्पद नियुक्तिमाथि संवैधानिक इजलासमा सुनुवाइ तोकिएको हो ।
प्रधानन्यायाधीश प्रकाशमानसिंह राउतसँगै न्यायाधीशहरू सम्मिलित संवैधानिक इजलासले नियुक्ति विवादमाथि सुनुवाइ गर्नेछ ।
प्रधानमन्त्री ओलीले अध्यादेश जारी गरेर दुई पटक संसद् विघटन गर्दै संवैधानिक आयोगहरूमा ५३ जना पदाधिकारीलाई नियुक्त गरेका थिए ।
नियुक्तिविरुद्ध अधिवक्ता ओमप्रकाश अर्याल, कीर्तिनाथ शर्मा, सुलभ खरेल, समृत खरेल, निशान्तबाबु खड्का, वरिष्ठ अधिवक्ता दिनेश त्रिपाठी लगायतले रिट दायर गरेका थिए । नियुक्ति संविधानको मर्मविपरीत रहेको भन्दै त्यसविरुद्ध परेका १५ वटा रिट-निवेदनलाई एकैठाउँ राखेर सुनुवाइ हुने भएको हो ।
सुनुवाइमा मुख्यतः संवैधानिक परिषद्को अध्यादेशमार्फत गरिएका नियुक्तिहरूको वैधानिकता, संसदीय सुनुवाइ बिना गरिएका पदाधिकारी नियुक्तिहरूमा केन्द्रित हुनेछ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
