स्टेरिङमा च्यापिएका चालकको ३ घण्टापछि उद्धार

काठमाडौं । दुई वटा ट्रक ठोक्किँदा घाइते भएका चालकको ३ घण्टापछि उद्धार गरिएको छ । स्टेरिङमा च्यापिएका उनलाई ट्रकको झ्याल काटेर निकालिएको हो ।

बाराको जितपुर सिमरा उपमहानगरपालिका–२१ चुरियामाई मन्दिरको जंगलमा आइतबार साँझ एउटै दिशाबाट जाँदै गरेका दुई ट्रक एक आपसमा ठोक्किएर दुर्घटनामा परेको थियो ।

दुर्घटनामा परी चितवन बस्ने अन्दाजी ३५ वर्षीय चालक अरुण श्रेष्ठ घाइते भएका छन् । उक्त स्थानमा सशस्त्र प्रहरी बल नेपाल नं. १४ गण मकवानपुरबाट सशस्त्र प्रहरी निरीक्षक अनिल कार्कीको कमान्डमा खटिएको सुरक्षा फौजले उनको उद्धार गरेको हो ।

हेटौंडाबाट पथलैयातर्फ जाँदै गरेको ना ७ ख ७३०१ नम्बरको ट्रकलाई सोही दिशातर्फ जाँदै गरेको ना ६ ख ३७६३ नम्बरको ट्रकले ठक्कर दिँदा दुवै ट्रक सडकको बायाँतर्फको साइडमा पल्टिएर दुर्घटना भएको थियो । दुर्घटनामा परी घाइते भएका श्रेष्ठ ना ६ ख ३७६३ नम्बरको ट्रकको चालक हुन् ।

उद्धारपश्चात् उनलाई उपचारको लागि जिल्ला अस्पताल हेटौडातर्फ पठाइएको छ भने अर्का ट्रकका चालक भने सामान्य रहेका छन् । दुवै ट्रकमा चालक बाहेक अन्य कोही नरहेको सशस्त्र प्रहरीका सहप्रवक्ता डिएसपी शैलेन्द्र थापाले बताए ।

स्टेरिङमा च्यापिएका चालकको ३ घण्टापछि उद्धार

स्टेरिङमा च्यापिएका चालकको ३ घण्टापछि उद्धार

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय