स्कुटर दुर्घटनामा परी एकजनाको मृत्यु

काठमाडौं । बुटवलको कालिकानगरमा स्कुटर दुर्घटनामा परी एकजनाको मृत्यु भएको छ।

पाल्पाको पूर्वखोला गाउँपालिका वडा नं ४ घर भइ हाल बुटवल १० कालिकानगरमा दिदीको घरमा बस्दै आएका ५७ वर्षीय पुर्ण श्रेष्ठको स्कुटर दुर्घटनामा परि मृत्यु भएको हो।

इलाका प्रहरी कार्यालय बुटवलका अनुसार मिर्गौलाका विरामी श्रेष्ठ डायलाइसिस गराउन अस्पताल जाने क्रममा सोमबार विहानै दुर्घटनामा परेका थिए। लु १९ प २६९७ नम्बरको स्कुटरमा अस्पताल जाँदै गरेका श्रेष्ठ बुटवल १० कालिकानगर स्थित सर्भिसलेनमा रोकिराखेको ना २ ह ७५३ नं को अटोरिक्सासँग ठोक्किएर दुर्घटनामा परेका थिए ।

प्रहरीले श्रेष्ठलाई घटनास्थलमै मृत्यु भएको अवस्थामा फेला पारि पोष्टमार्टमको लागि लुम्बिनी प्रादेशिक अस्पताल बुटवलमा लगेको जनाएको छ। प्रहरीले घटनास्थलमा स्कुटर र मृतक श्रेष्ठलाई मात्र पल्टिएको अवस्थामा फेला पारेपछि नजिकैका सिसिटिभी फुटेज हेर्दा अटोरिक्सासँग ठक्कर खाएर स्कुटर पल्टिएको भेटिएको थियो। त्यसपछि खोजी गर्दै जाँदा बुटवल उपमहानगरपालिका वडा नं २ मैनाबगरमा लुकाएको अवस्थामा अटोरिक्सा फेला परेको छ ।

अटोरिक्साको चालक भने फरार छन्। अहिले अटो रिक्सा र स्कुटरलाई नियन्त्रणमा लिई चालकको खोजी गरिरहेको प्रहरीले जनाएको छ।

स्कुटर दुर्घटनामा परी एकजनाको मृत्यु

स्कुटर दुर्घटनामा परी एकजनाको मृत्यु

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय