Aug 19 2025 | २०८२, भदौ ३ गते
Aug 19 2025 | २०८२, भदौ ३ गते
९ जनाको मृत्यु भएको छ भने ४० भन्दा बढी घाइते
काठमाडौं । युक्रेनका खार्किभ र जापोरिज्झिया शहरहरूमा भएको रुसी आक्रमणमा कम्तीमा ९ जनाको मृत्यु भएको छ भने ४० भन्दा बढी घाइते भएका छन् ।
युक्रेनको दोस्रो ठूलो शहर खार्किभमा शाहेद लडाकू ड्रोनले औद्योगिक क्षेत्रको एक आवासीय भवनमा प्रहार गर्दा ६ जनाको मृत्यु र २० जना घाइते भएको मेयर इहोर तेरेखाले बताएका छन् ।
 (1).gif)
पीडितमध्ये एक वर्षीया बालिका र १६ वर्षीय किशोर रहेको राज्य आपतकालीन सेवाले जनाएको छ । घाइतेमध्ये ६ जना बालबालिका छन् । घटनास्थलमा हाल १४० आपतकालीन कर्मचारी र ३९ इकाइ उपकरण परिचालन गरिएको छ ।
दक्षिणपूर्वी शहर जापोरिज्झियामा आक्रमणका कारण ३ जनाको मृत्यु भएको छ भने २० जना घाइते भएका छन् । क्षेत्रीय गभर्नर इभान फेडोरोभका अनुसार घाइतेमध्ये धेरैजना गम्भीर अवस्थामा अस्पतालमा भर्ना गरिएका छन् । सो आक्रमणले आवासीय भवनहरू, एक उद्यम, बस स्टप र व्यावसायिक परिसरमा क्षति पुर्याएको छ ।
युक्रेन वायुसेनाका अनुसार रूसले आइतबार राति मात्र १४० ड्रोन र ४ इस्केन्डर–एम ब्यालिस्टिक मिसाइल प्रहार गरेको छ । जसमा ८८ वटा ड्रोन खसालिएका भए पनि अन्य प्रोजेक्टाइलहरू ६ विभिन्न क्षेत्रमा २५ स्थानमा लक्षित गरिएको बताइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
