काठमाडौं । नेपालमा पछिल्लो २४ घण्टामा थप ८ सय ९२ कोरोना संक्रमण मुक्त भएका छन् । योसँगै नेपालमा कुल कोरोना संक्रमण मुक्त हुनेको संख्या २ लाख ४८ हजार २९२ पुगेको छ।
नेपालमा पछिल्लो २४ घण्टामा ६०८ जनामा कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या २ लाख ५७ हजार २०० पुगेको स्वास्थ्य मन्त्रालयले जनाएको छ ।
त्यस्तै पछिल्लो २४ घण्टामा नेपालमा कोरोना भाइरसका कारण ९ जनाको मृत्यु भएको छ । योसँगै नेपालमा कोरोनाबाट मृत्यु हुनेको कुल संख्या १ हजार ८१६ पुगेको छ ।
हाल नेपालमा सक्रिय संक्रमितको संख्या ७ हजार ९२ रहेको छ । अहिलेसम्म नेपालमा १९ लाख ३९२ वटा पीसीआर नमूना परीक्षण भएका छन् ।
