Jun 20 2026 | २०८३, असार ६ गते
Jun 20 2026 | २०८३, असार ६ गते
काठमाडौं । सहरी विकास मन्त्री मेटमणि चौधरीले सुकुमबासी बस्ती व्यवस्थापनबारे चासो राखेका छन् ।
वागमती सभ्यता एकीकृत विकास समितिले वागमती नदी, सहायक नदी तथा उप सहायक नदी करिडोर खाली गराउन लागेको बेला मन्त्री चौधरीले यस प्रक्रियामा सम्बद्ध निकायका प्रतिनिधिसँग छलफल गरेका छन् । मन्त्रीले असली सुकुमबासीको पहिचान गरि उनीहरुको जिविकोपार्जनका उपायलगायतका समस्या समाधानका लागि निर्देशन दिएको उनको सचिवालयले जनाएको छ ।
बैठकले आफ्नो कार्यक्षेत्रभित्र गर्नुपर्ने कार्य तत्काल सम्बन्धित निकायले प्राथमिकताकासाथ गर्ने, सुकुमबासी राख्न बनाइएका संरचनालाई बस्नयोग्य बनाउने, वागमती सभ्यता एकीकृत विकास समितिले सरोकारवालासँग समन्वय गरेर काम गर्ने लगायतका निर्णय गरेको छ ।
सहरी विकास तथा भवन निर्माण विभागका उपमहानिर्देशक प्रकिर्ण तुलाधरको संयोजकत्वमा अव्यवस्थित बसोबासीबारे अध्ययन गरी प्रतिवेदन पेस गर्न समिति पनि गठन गरिएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
