Jun 21 2026 | २०८३, असार ७ गते
Jun 21 2026 | २०८३, असार ७ गते
काठमाडौं । आम जनता पार्टी (आजपा) निकटको आम दलित मोर्चाको केन्द्रीय कमिटी पुनर्गठन गरिएको छ । काठमाडौंमा भएको एक भेलाबाट केन्द्रीय कमिटी पुनर्गठन भएको हो । ठागा दासको अध्यक्षतामा ७७ सदस्यीय केन्द्रीय कमिटी पुनर्गठन गरिएको हो ।
आम दलित मोर्चाले सम्पूर्ण गरिब दलित मोर्चालाई आवासको व्यवस्था गर्नुपर्ने, आम दलितको सम्मान, अधिकार, रोजगार एवं आवासको लागि संघर्षका कार्यक्रमलाई अगाडी बढाउँने निर्णय समेत गरेको छ ।
तराई मधेसका जिल्लाहरुमा दलित समुदायको घर निर्माणका लागि सरकारले गम्भिरतापूर्वक नलिएको निष्कर्ष निकाल्दै भेलाले अधुरो घर निर्माण तत्काल पुरा गर्नुपर्ने, निर्माण भईसकेका घरहरुको रकम निकासा गर्नुपर्ने, प्रत्येक गरिब दलिय परिवारलाई आवासको व्यवस्था सरकारले तत्काल गर्नुपर्ने लगायतका माग दलित मोर्चाले गर्दै आएको छ । यि माग पुरा गराउँनका लागि संघर्षका कार्यक्रम गर्दै आएको दलित मोर्चाले अब कडा आन्दोलनमा जाने निर्णय समेत गरेको अध्यक्ष ठागा दासले जनाएका छन् ।
चन्देश्वर बैठा इन्चार्ज र शर्मिला राम, रामनाथ माझी सहइन्चार्ज रहेको दलित मोर्चाको उपाध्यक्षमा विरचन राम, राकेश बैठा, चिनीलाल दास, विमला विश्वकर्मा, महासचिवमा रामाशंकर पासवान, सचिवमा अमर सुनार, सहसचिवमा सन्ध्या पासवान, गणेश राम र कोषाध्यक्षमा सन्झाकुमारी राम रहेकी छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
