Jun 16 2026 | २०८३, असार २ गते
Jun 16 2026 | २०८३, असार २ गते
काठमाडौँ । नेकपा एमाले निकट अनेरास्ववियुले बुटवलमा पेट्रोलियम पदार्थमा भएको मूल्यवृद्धिको विरोध गर्दै एक घण्टासम्म चक्काजाम गरेको छ ।
गएरातिदेखि लागु हुने गरी नेपाल आयल निगमले गरेको पेट्रोलियम पदार्थको मूल्यवृद्धिको विरोधमा अनेरास्ववियुले बुटवल बहुमुखी क्याम्पस अगाडि एक घण्टा चक्काजाम गरेको हो ।
अनेरास्ववियु बुटवल क्याम्पस कमिटी अध्यक्ष कृष्ण पाण्डेले अनेरास्ववियु क्याम्पस कमिटीको आयोजनामा मूल्यवृद्धि फिर्ता लिन माग गर्दै बिहान सात बजेदेखि आठ बजेसम्म सिद्धार्थ राजमार्गको बुटवल–पाल्पा खण्डमा चक्काजाम गरेको जनाएका छन् ।
गएराति १२ बजेदेखि लागू हुने गरी नेपाल आयल निगमले पेट्रोलमा प्रतिलिटर ५ रुपैयाँ तथा डिजेल र मट्टितेलमा प्रतिलिटिर १४ रुपैयाँको दरले मूल्यवृद्धि गरेको थियो ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
