May 02 2025 | २०८२, वैशाख १९ गते
May 02 2025 | २०८२, वैशाख १९ गते
काठमाडौं । काठमाडौंमा फोहर टिप्ने बहानामा गरगहना चोरी गर्ने पाँच जना भारतीय पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले चोरीका गरगहनासहित उनीहरूलाई सार्वजनिक गरेको छ ।
पक्राउ पर्नेमा भारतको समस्तीपुर घर भएका लक्का भन्ने विकास पोदार, सोही स्थान घर भएका ४० वर्षीय सञ्जय पोदार, ५० वर्षीया मञ्जुदेवी पोदार, बेगुसरा घर भएका २८ वर्षीय जितेन्द्र पोदार र वैशाली घर भएका २७ वर्षीय भाइलाल पोदार छन् ।
दिउँसोको समयमा घरमा कोही नभएको मौका पारी घरको ढोका फुटाएर उनीहरुले सुनका विभिन्न गरगहना र नगद धनमाल चोरी गर्ने गरेका थिए । उनीहरुले माघ २८ गते गोकर्णेश्वर नगरपालिका-४ माकलबारीस्थित दिलमाया आलेमगरको घरबाट नगद र गरगहना गरी ६५ लाख रुपैयाँको धनमाल चोरेको पाइएको छ ।
साथै, उनीहरुले बूढानीलकण्ठस्थित दिनेश घिमिरेको घरबाट २५ लाख बराबरको सुन तथा नगद र गोकर्णेश्वर नगरपालिका-३ की गीता राईको घरबाट ४१ लाख रूपैयाँ बराबरको धनमाल चोरी गरेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
