Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । सूर्यज्योति लाइफ इन्स्योरेन्सले आफ्नो ११ लाखभन्दा धेरै कित्ता साधारण सेयर बिक्रीमा राखेको छ । सोमबार एक सूचना जारी गर्दै विभिन्न संस्थापकको नाममा रहेको सेयर बिक्रीमा रहेको जनाइएको हो ।
सूचनाअनुसार सबैभन्दा धेरै बोधप्रसाद त्रिपाठीको नाममा रहेको पाँच लाख २५ हजार कित्ता सेयर बिक्रीमा रहेको छ । उनीबाहेक नन्दकिशोर शर्मा, गौरव शारडा, दिनेश प्रसाद श्रेष्ठको नाममा रहेको कुल ११ लाख २५ हजार ३४४ कित्ता सेयर बिक्रीमा राखिएको हो ।
यो सेयर अहिले संस्थापकहरूकै लागि आवेदन आह्वान गरिएको छ । जसका लागि ३५ दिनको समय दिइएको छ । तोकिएको समयमा सेयर बिक्री नभएमा सर्वसाधारणका लागि खुला गरिने बताइएको छ ।
एनआईसी एसिया क्यापिटल लिमिटेड, ट्रेड टावर नेपाल थापाथलीमा सम्पर्क गरी सेयरका लागि आवेदन दिन सकिने बताइएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
