काठमाडौं । प्रियंका चोपडा र निक जोनसको जोडी बलिउडमा सबैभन्दा चर्चित जोडी मध्येको एक हो ।
उनीहरुले २ डिसेम्बर २०१८ मा उदयपुरको उम्मेद भवनमा हिन्दू र क्रिश्चियन रीति रिवाजमा विवाह गरेका थिए । निकले सबैभन्दा पहिला क्वान्टिकोमा प्रियंकाकी को एक्टर ग्राहम रोजर्सलाई म्यासेज पठाए ।
निकले प्रियंका धेरै राम्री भएको बताएका थिए ।
सेप्टेम्बर २०१६ मा पहिलो पटक निकले ट्वीटरमा प्रियंकालाई म्यासेज पठाएका थिए । उनले म्यासेजमा हाम्रा साथी एकपटक तिमीसँग भेट भनिरहेका छन् भनेका थिए ।
यसमा प्रियंकाले यो म्यासेज टीमले पढ्न सक्छ, त्यसैले फोनमा कुरा गरौँ भनेकी थिइन् । उनीहरु पहिलो पटक न्यूयोर्कमा एक ड्रिंक पार्टिमा मिलेका थिए । निकले तेश्रो डेटमा ग्रिसमा प्रियंकालाई प्रपोज गरे ।
