एलन मस्कले नयाँ राजनीतिक दल खोलेको घोषणा गरे

काठमाडौं । अमेरिकी राष्ट्रपति डोनाल्ड ट्रम्पसँगको सम्बन्ध बिग्रिएको केही हप्तापछि अर्बपति एलन मस्कले नयाँ राजनीतिक दल खोलेको घोषणा गरेका छन् ।

सामाजिक सञ्जाल प्लेटफर्म एक्समा, उनले ‘अमेरिका पार्टी’ स्थापना गरेको घोषणा गरेका छन् र यसले अमेरिकाको द्विदलीय प्रतिस्पर्धामा रहेका राजनीतिक दल रिपब्लिकन र डेमोक्रेटिकलाई चुनौती दिनेछ ।

यद्यपि, यो पार्टी औपचारिक रूपमा अमेरिकी निर्वाचन प्राधिकरणमा दर्ता भएको छ कि छैन भन्ने कुरा अझै स्पष्ट छैन । मस्कले पार्टीको रूप कस्तो हुनेछ र पार्टीको नेतृत्व कसले गर्नेछ भन्ने बारेमा पनि कुनै जानकारी दिएका छैनन् ।

ट्रम्पसँगको सार्वजनिक विवादपछि मस्कले पार्टी सुरु गर्ने सम्भावना बढाएका थिए । शनिबारसम्म, संघीय निर्वाचन आयोगले कुनै पनि दल औपचारिक रूपमा दर्ता भएको संकेत गर्ने कुनै पनि जानकारी प्रकाशित गरेको छैन ।

२०२४ को चुनावमा एलन मस्क ट्रम्पका प्रमुख समर्थक थिए र उनको जित सुनिश्चित गर्न २५ करोड डलर दान गरेका थिए ।

चुनावी जितपछि, ट्रम्पले मस्कलाई सरकारी दक्षता विभाग अर्थात् खर्च न्यूनीकरण विभागको प्रमुखको रूपमा नियुक्त गरे । यसको काम बजेटमा कटौती पहिचान गर्नु थियो ।

ट्रम्पसँग उनको झगडा मे महिनामा ट्रम्प प्रशासन छोडेपछि सुरु भयो र ट्रम्पको कर र खर्च योजनाको सार्वजनिक रूपमा आलोचना गरे ।

एलन मस्कले नयाँ राजनीतिक दल खोलेको घोषणा गरे

एलन मस्कले नयाँ राजनीतिक दल खोलेको घोषणा गरे

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय