Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । त्रिभुवन विश्वविद्यालय शिक्षण अस्पतालले स्वास्थ्य बीमा कार्यक्रम स्थगित गरेको छ ।
सरकारबाट स्वास्थ्य बीमा सेवा दिएबापत डेढ वर्षदेखि करिब ८ करोडभन्दा बढी भुक्तानी दिन बाँकी रहेको जनाउँदै त्रिवि शिक्षण अस्पताल प्रशासनले हालको लागि स्वास्थ्य बीमा कार्यक्रम नै स्थगित गरेको जनाएको छ ।
असार १५ देखि अर्को सुचना प्रकाशित नभएसम्म लागि अस्पतालबाट सञ्चालित स्वास्थ्य बीमा कार्यक्रम स्थगित गरिएको अस्पतालका सूचना अधिकारी राम विक्रिम अधिकारीले जानकारी दिए ।
उनले सरकारले रकम भुक्तानी गर्न नसक्दा औषधि किन्न नै समस्या भएका कारण बीमा बापतको उपचार सेवा स्थगित गर्नुपरेकोे बताएका छन् ।
अस्पताल प्रशासनले पटक–पटक बीमा बोर्डमा गएर भुक्तानी अनुरोध गर्दा पनि बोर्डले सरकारबाट पैसा नआएको भन्दै भुक्तानी नगर्दा बाध्य भएर सेवा बन्द गर्नुपरेको उनले बताए।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
