पक्राउ परेको केही दिनमै छुटे ठेकदार भेटवाल

काठमाडौं । काठमाडौं भ्यू टावरका ठेकेदार मनोज भेटवाल छुटेका छन् ।

काठमाडौं जिल्ला अदालतले पहिलोपटक ६ दिन हिरासतमा राखेर अनुसन्धान गर्न म्याद दिएको थियो ।

असार १३ गते पक्राउ परेका उनलाई १९ गते दोस्रोपटक म्याद थपका लागि उपस्थित गराउँदा अदालतले म्याद नदिएपछि उनी छुटेका हुन् ।

जिल्ला प्रहरी परिसर काठमाडौंका प्रवक्ता एसपी अपिलराज बोहराका अनुसार अदालतले म्याद थप नगरेपछि भेटवाल छुटेका हुन् ।

भेटवाललाई प्रहरीले असार १३ गते पक्राउ गरेको थियो । स्वास्थ्य समस्याका कारण देखाउँदै उनलाई ह्याम्स अस्पताल भर्ना गरिएको थियो ।

जलेश्वर बिकोई बिल्डर्स प्रालिका अध्यक्ष भेटवाल दमको बिरामी भएकाले अस्पतालमा राखिएको प्रहरीको दाबी छ ।

उनी ९ करोड ८८ लाख रुपैयाँ चेक बाउन्सको कसुरमा पक्राउ परेका थिए । भेटवालविरुद्ध जिल्ला अदालतबाट २०८२ असार ६ गते पक्राउ पुर्जी जारी भएको थियो ।

उनी यसअघि पनि पटक-पटक पक्राउ परेका थिए । ‘क’ श्रेणीका ठेकेदार भेटवालले काठमाडौं भ्यू टावर पनि अलपत्र पारेका छन् ।

उनले ठेक्कापट्टाकै क्रममा सिन्धुलीका राजकुमार बरालसँग ९ करोड ८ लाख रुपैयाँ लगेको र त्यो रकम फिर्ताका लागि चेक दिए पनि रकम नसाटिएको आरोप छ।

फेसबुक प्रतिक्रिया