Jul 28 2026 | २०८३, साउन १२ गते
Jul 28 2026 | २०८३, साउन १२ गते
काठमाडौं । शेयर बजार घटेर यो साताका लागि बन्द भएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ८.३० अंकले घटेको हो । ०.३१ प्रतिशतले बजार घट्दा नेप्से परिसूचक २६५३.४० अंकमा झरेको छ ।
समग्रमा बजार घटे पनि विकास बैंक, फाइनान्स, हाइड्रो, माइक्रो फाइनान्स र ट्रेडिङ समूहमा हरियाली छाएको छ । बाँकी अरु समूह राताम्मे भए ।
आज ३४५ कम्पनीका ८५ लाख ८४ हजार ४ सय १ कित्ता शेयर किनबेच हुँदा ४ अर्ब ४१ करोड २३ लाख ४० हजार ५ सय ३७.०५ रुपियाँ बराबरको कारोबार भएको छ ।
सानिगाड हाइड्रो, स्नो रिभर, कालंगा हाइड्रो, नेपाल फाइनान्स र खानीखोला हाइड्रोका लगानीकर्ताहरुले क्रमशः १५, १४.९९, १४.९८, १४.९२ र ११.६३ प्रतिशतले नाफा कमाएका छन् ।
त्यस्तै अपर लोहोरे हाइड्रोका लगानीकर्ताहरुले सबैभन्दा बढी १३.६५ प्रतिशतले घाटा व्यहोरेका छन्।
आज एग्रिकल्चर वण्डको उच्च कारोबार भएको छ । उक्त वण्ड ४३ करोड रुपियाँ बराबरको किनबेच भएको नेप्सेले जनाएको छ ।
साताको पहिलो दिन सोमबार १६.५४ अंकले बजार घट्दा २ अर्ब ६७ करोड १८ लाख ३२ हजार ९ सय ६५.३८ रुपियाँ, मंगलबार २४.६३ अंकले बजार घट्दा ३ अर्ब २५ करोड ८७ लाख ५८ हजार १४.१० रुपियाँ, बुधबार ४४.५९ अंकले बजार बढ्दा ३ अर्ब ८६ करोड ११ लाख ८३ हजार ४ सय १०।२६ रुपियाँ र हिजो बिहीबार ८.७८ अंकले बजार बढ्दा ४ अर्ब ११ करोड ७७ लाख ८५ हजार ७००.२८ रुपियाँ बराबरको कारोबार भएको थियो ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
