Jul 28 2026 | २०८३, साउन १२ गते
काठमाडौँ । सार्वजनिक सडकमा जथाभावी तथा शंकास्पद रूपमा पार्किङ गरिएका १४ वटा सवारीसाधनलाई काठमाडौं उपत्यका ट्राफिक प्रहरी कार्यालयले कारबाही गरेको छ।
प्रहरीले ती सवारीसाधनलाई ट्राफिक व्यवस्थापनमा अवरोध पुर्याएको भन्दै प्रचलित कानुनबमोजिम कारबाही गरिएको जनाएको छ।
काठमाडौं उपत्यका ट्राफिक प्रहरी कार्यालयका अनुसार मिडियाका अफिसकाक गेटसहित सार्वजनिक स्थानमा पार्किङ गरिएको अवस्थामा ती सवारीसाधन फेला परेका थिए।
काठमाडौं उपत्यका ट्राफिक प्रहरी कार्यालयले जारी गरेको सूचनामा भनिएको छ, ‘सार्वजनिक सडकमा जथाभावी सवारी पार्किङ गरी ट्राफिक व्यवस्थापनमा अवरोध पुर्याएका विभिन्न १४ वटा सवारीसाधनलाई प्रचलित कानुनबमोजिम कारबाही गरिएको छ। ट्राफिक नियम उल्लङ्घन गर्ने जोसुकैलाई पनि कानुनअनुसार कारबाही गरिनेछ।’
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
